Над 200 бунари на грчка страна го празнат Дојранско Езеро
ДОЈРАН - На Дојранското Езеро му се заканува нова агонија зашто и ова лето на грчка страна, каде што се наоѓаат две третини од неговото сливно подрачје, се црпат неговите води кои макотрпно се собираат во него. Од над 200 инсталирани бунари, од кои некои во непосредна близина на крајбрежјето, со распрскувачи се наводнуваат земјоделските посеви во Дојрани, Дросато и другите околни населени места. Но, и речиси целото Кукушко и Арџанско Поле, кои зафаќат над 2.500 хектари плодно земјоделско земјиште. Најголемиот дел од овие површини се насадени со зеленчук, овошни дрвја и жито, чија берба е во тек и е загрозена поради сушата. Тоа е и причината што распрскувачите на грчка територија дење и ноќе работат непрекинато, црпејќи ја водата од бунарите, од кои некои се наоѓаат само стотина метри од Дојранско Езеро.
Тоа е уште една потврда дека за нашите јужни соседи Дојранско Езеро и понатаму претставува обична акумулација за наводнување наспроти сите досегашни декларативни определби од грчка страна за негов спас. Со тоа се залудни сите конкретни зафати што ги презема македонската држава преку изградениот систем за заштита, кој овозможи езерскиот водостој по еколошката катастрофа да порасне за 2,5 метри и надежите дека за три години со редовен дотур на вода од Ѓавочко Поле и поволна хидролошка состојба негативната разлика во езерскиот водостој да биде надмината. Со право реагираат луѓето што живеат крај езерото кога велат дека грижата за спас на заедничкото езеро Грците ја манифестираат само преку зимските месеци, а во текот на летото предност им даваат на земјоделските посеви.
Инаку, Дојранско Езеро, на прагот на главната туристичка сезона, ги пречека првите годинашни гости со зголемен езерски водостој, се разбира, во споредба со минатото лето, и со покриен дел со вода на порано оголеното крабрежје. Пумпите кај Ѓавочко Поле работат со полна пареа, така што и во овие врели летни денови во езерото се слеваат од 600 до 800 литри вода во секунда. Ваквиот прилив на вода го забавува вообичаеното опаѓање на езерскиот водостој во летните месеци, како резултат на испарувањето. Последните два месеца тоа опаднало за 20 сантиметри, а до крајот на летото негативната разлика двојно ќе се зголеми. Но, тоа е вообичаена природна појава секое лето, а во споредба со претходните години последиците од испарувањето не се толку драстични токму поради континуираниот дотур на вода, велат во ЈП за заштита на Дојранско Езеро.
http://217.16.70.245/?pBroj=1826&stID=39594&pR=3
quote:Makedonija ima enormno golem kapacitet za brani. Ima cel proekt razraboten od Rudarsko geoloskiot fakultet u stip--najdi ke vidis. A gubreto, gubreto im go drzish, i odednash im go pustas, ko pred nekoja godina Vardar ko im go odnese celoto gubre dolu[:D]
Originally posted by ozonce
Brana?!?! Ova e vic ili seriozno razmisluvanje? Kade ke se napravi taa brana?!? Znaesh kolku sela i gradovi treba da se iselat zaradi taa brana?!
quote:Идеја викана и ... 1.Праќаме ЃУБРЕ на ЃУБРЕ ? 2.Праќаме ЃУБРЕ од ЃУБРЕ ?
Originally posted by ozonce
AaaAa mislish na proekti za brani na Vardar?! Ne zezaj!, kade na koe mesto?! Inaku ova so gubreto ti e odlichna ideja :)