| a-pin-dim |
Светиот Архиерејски Синод на Македонската Православна Црква на својата редовна седница одржана на 09.03.2004 година, во Македонската архиепископија, разгледа повеќе прашања од тековниот живот на Црквата.
На седницата беа предвидени и програмски предложени повеќе активности коишто треба да бидат реализирани во текот на претстојното 2004 лето Господово.
Исто така, Синодот посвети должно внимание и на кадровското прашање за високиот клир на Македонската Православна Црква и оформи список за можни кандидати за идни архиереи во нашата Црква.
За тоа достоинство во Синодот беа предложени петмина кандидати:
- Архимандрит Климент, игумен на манастирот на Св. Преображение,
с. Зрзе - Прилепско;
- Архимандрит Партениј, игумен на манастирот на Св. Јован Крстител (манастирот Бигорски), Дебарско;
- Архимандрит Иларион, игумен на манастирот на Св. Гаврил Лесновски, Лесново;
- Игумен Методиј, заменик ректор и професор во Македонската православна богословија „Св. Климент Охридски“ во Драчево, Скопје;
- Игумен Пимен, секретар на Струмичката Епархија.
Светиот Архиерејски Синод на Македонска Православна Црква ја разгледуваше и информацијата од задолжената Комисија, која предложи канонизација на нови Светители од Македонија, како што се: епископот Гаврил Светогорец од Лесново, архимандритот Јоаникиј од Ракотинци, архимандритот Теофил од Лазарополе и др.
ОД КАНЦЕЛАРИЈАТА НА САС НА МПЦ
|