| Homer MakeDonski |
МАКЕДОНИУМ
Умиште !
Македониум !
Друмиште ! Тежок пат
Черен - кат ...
Голем ум -
Македониум !
Шумење иа шумите -
буките
низ Македонија:
Умење на Гоце...
Изумување изуми :
Бранување !
Жуборење на водите во Егејското море
во реките и во езерата
Верата !
Вруточење на изворите
низ Македонија...
Плачење на горите...
Бриждење на говорите ...
Ѕвиждење !
Ѕвиждење со усните
Ѕвиждење со прсти
Ѕвиждење со шупелки , со кавали и со гајди
Ѕвиждење на ѕвиждалник
низ Македонија :
( Ѕвиждење на голем ѕвиждалник -
Македонската ламја
што ја убива Свети Ѓорѓија )...
Завивање на дивината...
Пенливост на вината
и цветовината
на Македонија ...
Завивање на ветровите
Уривање на ридовите
Тркалање камење по бреговите
низ Македонија...
Големи земјотреси :
Секакви потреси огнови
и пожари ... (Палење - жарење
Печење, варење
и гмечење
на Македонија)
За ум -
Македониум !
Илинденски секавици во коловоз :
Илинденски молскавици !
-Веди
Глаголи
Добро
Јест...
Македонска свест
Македонска знаја
Македонска песна...
Везови на рубата -
Голем изум на македонскиот ум !
Умиште!
Македониум!
Сончев триумф во Македонија
Сончев говор на Македонија !
Сончев договор...
Сончева знаја !
Сончев ум -
Македониум!
( Ако ја дознаете мојата вечна адреса ,
Секогаш повикајте ме
кога ќе зборувате за Македонија )
Јозо Т. Бошковски-Јон |