Илинденците ни оставија аманет за европска Македонија. Европска Македонија беше нивни сон што ние го преточуваме во реалност, нагласи министерката за надворешни работи, Илинка Митрева, на вчерашната 34. средба на иселениците во битолското село Трново.
- Но, да не заборавиме, Македонија им е на срце и на оние што не ни мислат добро. Тие се уште не можат да ја прифатат вековната вистина за нашиот идентитет, народ, јазик, Црква, име. За сите нив Илинден бил и ќе биде нашиот најсилен одговор. На таквите заложници на сеништата од минатото им порачувам: фатете чекор со вистината, зачекорете европски, зашто ние во Македонија незапирливо одиме напред - рече Митрева.
Таа им се заблагодари на иселениците за постојаната афирмација на Македонија во земјите во кои живеат, но и за нивниот непроценлив придонес во ширењето на вистината за Македонија.
- Ве повикувам, загледајте се добро во вашите родни краишта. Одмерете за што е умно да се нафатите, се разбира, не без интерес. Ќе направиме се да го олесниме тоа, заедно да сториме нешто добро за нашата Македонија - им порача Митрева на иселениците и нагласи дека односите со нив се и ќе бидат приоритет на оваа влада, која формира Сектор за иселеништво.
Тој треба да придонесе да се изгради активна, национална и државна стратегија за координиран настап на сите државни органи и институции, невладини организации и медиуми кон иселеништвото. Ваквата стратегија ќе ги обврзе сите надлежни органи и институции да изработат конкретни проекти и програми за што побогата соработка и комуникација со иселеништвото.
На собирот во Трново, митрополитот преспанско-пелагониски и администратор австралиско-новозеландски, г. Петар, одржа панихида за сите знајни и незнајни јунаци и борци за Македонија, а беше приредена и богата културно-уметничка програма со настапи на македонски друштва од Албанија, Бугарија и од Македонија.
http://www.dnevnik.com.mk/?pBroj=2825&stID=60148
waa uuu za Mitreva
quote:Ne mlado momce gresis, kriv sum jas..zaedno so tatko ti i majkati i mnoooogu drugi kako nas!!!!!!
Originally posted by dejan
SDS se krivi za toa...kako i za mnogu drugi raboti!