Мажите ќе бидат непотребни
Мажите ќе бидат непотребни
Пресврт во науката може да им овозможи на жените во иднина да произведуваат сперма. Научници во Англија успеале ембрионски стем клетки да ги претворат во сперма и тоа плодна. Ваквиот исчекор веројатно ќе води до нови откритија во третирањето на машката неплодност, па дури и до можноста жените сами да си произведуваат сперма.
Истражувачите на Универзитетот во Њукасл велат дека овој напредок со понатамошна работа би можел да лекува одредени типови на неплодност кај мажи, па дури и еден ден да им овозможи на лезбијските двојки да имаат деца, кои и генетски би биле нивни.
Во експериментот се користеле ембрионски клетки за произведување на седум глувчиња, од кои шест успеале да преживеат. Сепак, преживеаните пателе од несакани појави, слични на оние што се веќе видени при експериментите со клонирање.
Истражувачите изолирале ембрионски стем клетки од неколку дена стар ембрион. Клетките биле одгледувани во лабораторија и од нив се изолирани сперматогонијални стем повици, кои потоа се одгледани и инјектирани во јајце од женка глушец и израснати во ембриони во рана фаза.
Истражувачкиот тим смета дека проектот ќе помогне во разбирањето на биолошкиот процес во кој се произведува сперма, што би помогнало во идните третмани за јаловост.
http://www.idividi.com.mk/Futurama/Nauka/354775/index.html
