| melpomena |
Визија" на "Мајкрософт" во Скопје
Корпорацијата "Мајкрософт", на 26. и 27. овој месец во Скопје, ќе организира конференција насловена како "Визија", на која ќе бидат претставени најновите решенија од информатичката технологија. Во првиот дел од конференцијата, што ќе се одржи на 26 мај во Салонот МНТ од 19 до 21 часот, со мултимедијално шоу ќе биде претставена визијата на "Мајкрософт". Вториот дел на "Визија" ќе се одржи во хотелот "Александар палас", каде што ќе бидат претставени најновите технологии на "Мајкрософт" и ќе се одржат неколку стручни предавања од областа на информатичката технологија. "Визија" оваа година за првпат се одржува во Македонија, а организаторите планираат од следната година тоа да биде традиционална конференција.
(Е.З.)
prevzemeno od Vest |