| DJ_SHEMA |
Селекторот Канатларовски го објави списокот за мечевите со Англија и Словачка
Милан Стојановски се враќа во репрезентацијата
Фудбалерот на Партизан Милан Стојановски по пауза од една година, од дуелот во Саутемптон, повторно ќе се појави во репрезентативниот дрес на нашата репрезентација на престојните квалификациски дуели со Англија и Словачка. Покрај Стојановски во списокот на репрезентативци што во скопскиот хотел Бест Вестерн го објави селекторот на нашата фудбалска репрезентација Драган Канатларовски - Цапар, се најдоа сите оние фудбалери што настапија и на последната пријателската средба со Албанија одиграна во Прилеп. Тоа значи во комбинација се и: Петар Милошевски (Малатијаспор), Јане Николоски (Победа), Игор Митрески (Спартак), Игор Ѓузелов (Металург), Панче Ќумбев (Победа), Горан Ставревски (Диар Бакир), Гоце Седлоски (Динамо) Александар Митрески (Грасхоперс), Игор Јанчевски (Вартекс), Влатко Гроздановски (Вардар), Величе Шумуликовски (Синот), Агиналдо Брага (Вардар), Ванчо Трајанов (Локомотив П.), Горан Пандев (Анкона), Артим Шаќири (Вест Бромвич), Ѓорѓи Христов (Зволе), Илчо Наумоски (Гак) и Драган Дамитровски (Победа). Поради жолти картони, Гоце Седлоски и Игор Јанчевски немаат право на настап против Англија, Цапар во понеделник ќе го објави името на уште еден фудбалер на кој ќе рачуна за престојните мечеви. Репрезентавците првиот собир ќе го имаат во вторник, 2 септември, во скопскиот хотел "Средно Водно".
За состав на младата репрезентација селекторот Мирсад Јонуз ги повика: Георгиевски, Тодорчев и Стојановски(Работнички К.), Мегленски, Пандев и Гешовски (Победа), Ѓоревски, Ивановски (Силекс), Попов, Масев и Балдоволиев (Беласица ГЦ), Марковски, Глигоров, Бајрамовски (Цементарница 55), Шиков (Тиквеш), Бајрами (Слога Ј.), Неџипи (Волфсбург), Керими (Башкими), Кировски (ОФК Белград), Тенекиџиев (Славија) и Клечкаровски (Напредок). Собирот е во понеделник. (Т. З.)
***
ТВ пренос од мечот со Англија на МТВ
На првиот канал на македонската телевизија, во сабота, на 6 септември, со почеток во 18.30 часот ќе се емитува тв пренос од "Градски" од мечот Македонија - Англија. Интересно е што по барање на Балканска банка, главниот спонзор на преносот, за време на неговото емитување нема да се емитуваат реклами.
|
| NARCIS` |
quote:
Originally posted by DJ_SHEMA
ТВ пренос од мечот со Англија на МТВ
На првиот канал на македонската телевизија, во сабота, на 6 септември, со почеток во 18.30 часот ќе се емитува тв пренос од "Градски" од мечот Македонија - Англија. Интересно е што по барање на Балканска банка, главниот спонзор на преносот, за време на неговото емитување нема да се емитуваат реклами.
bla bla bla....e toa ...ke gleame povise reklami nego li fudbal [:)] |