| melpomena |
Прилепчанец треба да плати телефонска сметка од 14 илјади евра Жртва на "жешка линија" или грешка на телекомпјутер
ПРИЛЕП - Кире Илиоски, 25-годишен прилепчанец, според евиденцијата на "Македонски телекомуникации" е должен 14 илјади евра, или точно 895.000 денари за телефонска сметка за разговори направени од 24 јули до 30 септември годинава. Според сметката што ја добил, Илиоски направил 198 разговори, односно 261.401 импулс во траење од 486.344 секунди, или точно 135 часа, од кои најголемиот дел на "жешката линија" 050040030.
"Точно е дека ѕвонев на тој број, тоа е една агенција за брачно посредување, преку која сакав да си ја пробам среќата и да се оженам некаде во странство. Љубезните телефонски операторки ме поврзаа со една девојка, со која во повеќе наврати разговарав, но тврдам дека бројката од 135 часа е апсолутно нереална. Тие ми рекоа дека разговорот е на нивна сметка, инаку немаше ни да помислам да се јавувам. Очекував да платам најмногу две-три илјади денари, но ова е нешто незамисливо", рече Илоски.
Кога отишол да ги плати телефонските сметки за јули, август и септември, Илиоски доживеал вистински шок.
"Земјата се отвори под мене кога ми рекоа дека наместо 900 денари, колку што мислев дека изнесува септемвриската сметка, треба да платам речиси 900 илјади денари. На поштарот што во тој момент се најде кај шалтерот, од возбуда му падна торбата со писма и пари", вели Илиоски. Тој се сомнева дека сметката е вештачки надуена. Во извештајот што го добил пет биле подолги од 10 часа, а еден траел дури 12 часа.
Во прилепскиот оддел на "Македонски телекомуникации" велат дека не станува збор за техничка грешка и дека во сметките за јули и за август не му се внесени импулсите само затоа што на претплатникот во тој период му била извршена замена на петцифрениот со шестцифрен број, па така целата сума за разговорите била внесена во септемвриската сметка.
Prevzemeno od utrinski vesnik
Izgleda Makedonski Telekomunikacii se navistina bliski...ama so 0500:)
|