ВИЗАНТИСКА УМЕТНОСТ ВО МУЗЕЈОТ ВО ЊУЈОРК

AaaAa

ЗА ГОЛЕМАТА ИЗЛОЖБА НА ВИЗАНТИСКА УМЕТНОСТ ВО МУЗЕЈОТ ВО ЊУЈОРК "Метрополитен"петте македонски икони ја прифатил проценката на три милијарди долари Хелен Еванс кустос од "Метрополитен" во својот транзитен тричасовен престој во Скопје била во Министерството за култура, покрај прецизирањето на сите поединости околу осигурувањето и транспортот на иконите, Петте икони, меѓу највредните во Македонија од византискиот период, дефинитивно во феруари ќе тргнат а Њујорк на големата изложба на византиската уметност озаглавена "Византија: вера и моќ"што ја организира престижниот музеј "Метрополитен". Иако цената на осигурувањето од наша страна никој не сака официјално да ја каже, сепак индиректно од Завод и Музеј Охрид ни беше потврдено дека и "Метрополитен" се согласил со проценката од три милијарди долари што од стручната комисија од Македфонија беше наведна како сума со која се бара да бидат осигурани нашите икони. Меѓу ексклузивитетите за оваа изложба се дека "Метрополитен" сам наведе кој македонски икони ги бара, по што следуваше и барање од наша страна "Метрополитен" да ги испочитува барањата со по 500 милиони долари да се осигураат четирите икони: "Евангелистот Матеј" која потекнува од крајот на 13 век, "Исус Христос Пантократор" од 14 век, "Богородица Психосострија"исто така од 14 век, сите три од Музјот во Охрид и за иконата од Музејот на Македонија "Богородица Пелагонитиса" од 15 век, која потекнува од манастирот Зрзе во Прилеп. На една милијарда долари епроценета икона која е насликана од двете страни, со "Богородица Психосострија" од едната и "Благовештение" од другата страна, а е од 14 век и исто од Музејот во Охрид. Куратор на оваа голема светска изложба во Њујорк е Хелен Еванс која е кустос во "Метрополитен"музејот, познат византолог со субспецијалност за средновековните манастири. Госпоѓа Еванс пред две недели била во Македонија за да ја допрецизира работата околу патувањето на иконите во Њујорк. Таа во својот транзитен тричасовен престој во Скопје, по прес конференција во Атина поретходниот ден одржана токму заради изложбата во "Метрополитен", била во Министерството за култура, меѓу другото и лично да го покани министерот Благоја Стефановски за отворањето на 15 март. Инаку оваа прес конференција била одржана во Атина, бидејќи најзначајните спонзори за изложбата се токму од Грција, а еден од нив е и моќната компанија"Оназис" Како што ни рекоа од Министерството за култура, од одделот за меѓународна соработка, госпоѓата Еванс била исклучително приемчлива и благонаклонета што дури рекла дека ако имаме некои забелешки за осигурителната компанија која ќе гарантитра за иконите, сами да предложиме друга. Од неа пак нашите од Министерството конкретно побарале иконите максимално да се заштитат при авионскиот транспорт, со услов да има само едно преседнување од Скопје до Њујорк, што госпоѓа Еванс и го прифатила. На петте икони веќе се завршени сите конзерваторски работи и тие во моментов се наоѓаат во депото на Музејот на Македонија. Иконите кои за Њујорк тргнуваат кон крајот на фервруари, ќе ги придружуваат, ни рекоа од Министерството, тројца курири. Едниот од нив секако ќе биде Благоја Кузмановски главниот конзерватор на иконите и уште по еден човек од двата музеи, од Скопје и од Охрид. Д.Стојановиќ