| a-pin-dim |
И СОНЕТИ ЗАРАБОТИ ОТКАЗ
ГАЛЕОНЕ, ТРЕТА СРЕЌА ЗА АНКОНА
Калчо 'фенерџијата' Анкона му врачи отказ на тренерот Недо Сонети по тешкиот пораз од 5:0 од Милан во последното коло.
Ова е втора тренерска смена во Анкона. Претходно отказ заработи Леонардо Меничини, а на негово место дојде Сонети, но и тој не успеа да ја извлече екипата од дното.
За нов тренер управата на клубот го наименува исакусниот стратег Џовани Галеоне, кој претходно има работено во Перуџа и Наполи.
Анкона во преодниот рок беше мошне активна доведувајќи ги во своите редови Жардел, Граби, Завањо, Дино Баџо и Сартор, но и овие засилувања не успеаја да ги спасат од дебаклот на Сан Сиро.
Со Галеоне на клупата Анкона ќе се обиде да дојде до првата победа сезонава.
|