Мајсторе, десетка со кромид!
Мајсторе, десетка со кромид!
Strelec Речиси секој од нас се обидел дома да направи ќебапи со ист вкус како оние од Старата Скопска Чаршија, но ретко кому тоа и му успева. Во што е тајната? Искусните мајстори велат дека најголемата тајна не е во зачините (како што многумина претпоставуваат), туку во изборот на месо. Еве ви сега од Стрелец еден рецепт за убави ќебапи и сметам дека вреди да се проба да се направат токму на следниов начин: Потребни состојци: 400г. говедско месо (исклучиво плешка или врат) 200г. овчо месо (исклучиво плешка) 80г. зелени пиперки 80г. лук 12г. сол 2г. црн бибер и половина китка магдонос. Подготовка: Месото убаво измијте го, расечете го на парчиња (отприлика 3х3см.) и смелете го во машина. Меленото месо мешајте го со раце 15-20 минути, со постепено додавање на зачините. Смесата потоа треба да се остави неколку саати, а потоа обликувајте го во форма на ќебапи. Ќебапите се печат на скара на ќумур (претходно намачкана со сланина или масло) 4-7 минути, а доколку ги печете на електрична скара, тогаш печењето трае 10 минути. За време на печењето, ќебапите е доволно да се свртат само два пати. Кога ќе бидат готови, пожелно е веднаш да се сервираат и тоа со ситно исецкан кромид и буковска сол. За оние гурмани кои што јадат луто, убаво е на скарата од страна да се испечат и лути пиперки. Да не заборавам да кажам и дека најдобро е наместо со леб, ќебапите да се сервираат со лепињи (сомуни).
melpomena daj nekoj recept za treva, da ne mislish kjebapi da mi daesh koa kje dojdam kaj tebe na gosti:)))) BTW Ubavo od tebe sho ti tekna da napishesh vakov "domakjinski" post:)
Strelec :) ok... za utresniot broj ke najdam nesto vegetarijansko... vo megjuvreme, probaj gi ti kjebapcinjata... da mozes posle da sporedis sto e povkusno!:)
Thief Кој не пробам ќебапче во Асторија или Мерак, не знае што е ќебап! Тетовци, потврдете! :)
StormAngel Samo Destan postujem![;)] Drugite se tapa.
Whitebaby
quote:
Originally posted by Thief
Кој не пробам ќебапче во Асторија или Мерак, не знае што е ќебап! Тетовци, потврдете! :)
Ke mu kazham na adzo mi da ti stai troa otrov za gluvci! [:D][:D][:D]