| a-pin-dim |
КРВАВА ТЕПАЧКА ВО СКОПСКАТА ГИМНАЗИЈА "КОЧО РАЦИН"
Гимназијалки се избоделе со нож
Причина за расправијата било тоа што претходниот ден Е.Ј., И.Р.и М.Т. не им дозволиле на останатите ученички да влезат во гимназијата бидејќи доцнеле повеќе од 10 минути на првиот час, па другиот ден тие дошле со
[img]http://www.vest.com.mk/images/{50061C14-56DC-447E-81A5-ECC9370A7B16}_skolo-2.jpg[/img]
Три гимназијалки од гимназијата "Кочо Рацин" во скопската населба Ѓорче Петров завчера биле прободени со нож во масовна тепачка со други гимназијалки. По тепачката повредените ученички биле пренесени во Воената и во Градската општа болница каде што им била укажана лекарска помош. За инцидентот била известена и полицијата која извршила увид и по целосното расветлување и документирање на случајот ќе бидат преземени соодветни законски мерки против ученичките.
Според информациите на полицијата, инцидентот се случил околу 9,30 часот кога дошло до расправија меѓу А.Ј. (15), А.Ц. (18), И.Р (18), С.Т. (15) и С.Б. (16), од една страна, и М.Т. (17), Л.С. (17) и Е.З. (16), од друга страна. Причина за расправијата било тоа што претходниот ден Е.Ј., И.Р.и М.Т. не им дозволиле на останатите ученички да влезат во гимназијата бидејќи доцнеле повеќе од 10 минути на првиот час. Изреволтирани од тоа што професорите ги запишале во дневниците, ученичките на кои не им било дозволено да влезат во гимназијата одлучиле да им се одмаздат на дежурните од претходниот ден. Завчераутрото дошло до средба меѓу нив, при што, по кусата караница, почнала и жестока тепачка во училишниот двор. Се мавало со клоци и тупаници, а во еден момент од тепачката С.Т. и А.Ј. ги извадиле ножевите што ги носеле со себе и почнале безмилосно да ги бодат своите соученички. Според информациите на полицијата, повредени биле М.Т., која била повредена во колкот, И.Р. во ногата, а најдебелиот крај го извлекла Е.Ј., која била повредена во грбот, стомакот и во ногата. Додека траела тепачката, некој од учениците ги информирал професоруите кои веднаш се симнале во дворот и успеале да спречат да дојде до поголем инцидент. Во меѓувреме, додека професорите им помагале на повредените ученички, двете ученички напаѓачки побегнале од училишниот двор. Била повикана и полицијата која по кусо време пристигнала во училиштето.
Веднаш по настанот, директорот на гимназијата свикал вонреден состанок и било договорено да се преземат соодветни мерки со цел превентивно да се дејствува на учениците во иднина да не преземаат вакви дејства. Повикани биле и родителите на ученичките, при што биле информирани за настанот и било договорено да бидат преземени построги мерки кон нивните деца. Како што не информираше директорот Величе Цветановски, наставата во гимназијата се одвива нормално, но вчера двете ученички кои со нож ги повредиле трите гимназијалки не се појавиле во гимназијата.
|