| f9 |
Нарт темиpчи ДЕБЕТНИ ТУУГЪАНЫ
Эртте-эртте, дорбунлада тургъанда,
Таш тегене агъач элек болгъанда,
Кек тейриси жер анасын алгъанды,
Кек кюкюреп, бу жер бууаз болгъанды,
Тогъуз жылны, тогъуз кюнню бууаз болуп
тургъанды,
Жер жарылып, сора Дебет туугъанды.
Суу анасы аны алып, жуугъанды,
Череклени аны аузуна бургъанды.
Суу анасы эмчек ана болгъанды,
Ол есдюрюп, акъыл бла толгъанды.
Ол Дебетни отдан болгъанды жюреги,
Къурчлан болгъанды санларыны кереги.
Сингирлери жия кибик созулгъанды,
Керек болса, ол ызына жыйылгъанды,
Хар бир жиги безги кибик, ачылгъанды,
Сюймесе уа, артха жыйылгъанды.
Жаны, къаны отдан болгъанды кьуралып,
Къолу жетсе, таш эригенди, къызарып.
От Тейриси отну тилин билдиргенди,
Жер Тейриси ташла тилин билдиргенди,
Суу Тейриси атын, сууун ийгенди.
Дебет бир кюн нарт таулагъа баргъанды,
Ташла бла селеше, анда къалгъанды.
Ала бла оноу, кенгеш этгенди,
Тащла алып, ол юйюне жетгенди. |