| cile |
АМАТЕРСКА ПРОСТИТУЦИЈА МЕЃУ СТУДЕНТИТЕ
Не сакам пари, купи ми "сабатини"
По бројот на студентки кои заработуваат од секс, студентската проституција може да се носи рамо до рамо со онаа на професионалните девојки. Со таа разлика што судентскиот секс-бизнис е аматерски, како што и го нар
"Кога последен пат се видовме ми рече дека повеќе не сака да зема пари оти се чувствувала како ороспија. Но, дека не одбива подароци. Ми побара колекција 'сабатини'. Ме гушна и на уво ми рече да не ја мразам поради тоа. Преспав во нејзината соба во Студентскиот дом 'Стив Наумов' и следниот ден околу пладне отидовме во ГТЦ и и купив 'сабатини'. Повеќе не се видовме. Ми кажаа дека се омажила за некој тип од Чаир кој со мерцедес доаѓал во студентската населба". Ова е последното искуство со студентка-проститутка од Бугарија, на сега веќе дипломиран правник од Куманово кој додека студирал живеел во "Стив Наумов" во скопска Автокоманда. Вели дека неговата интимна пријателка, како што ја нарекува, не била единствената кај која одел кога ќе му здодеала тогашната девојка. Со неа бил над 20 пати и направил математика колку потрошил на неа. За две години околу 1.000 евра.
Кумановецот и неколкумина негови пријатели велат дека од 1996 до 1998 во "Стив" имало неколку девојки кои се работеле за пари. Со тарифа. Орално за 500 денари, колку за, како што се вели со студентски жаргон, декада хранарина. Само вагинално за 1.200, а ако некој сакал и анален секс морал да доплати уште 1.500 денари. Ваква тарифа имала и студентката од Бугарија.
Студентите од внатрешноста на државата во тоа време не можеа да стасаат на ред кај тие девојки. Пред нив секогаш беа богати момци со бесни коли од Чаир, Гази Баба, од Аеродром. Тие и натплатуваа. Во дворот на "Стив", пред студентскиот "Гоце Делчев" секојдневно се паркираа БМВ-а, џипови и мерцедеси кои ги собираа девојките и ги носеа најчесто по станови на журки, а не ретко и во хотел.
Оваа пракса трае и денес. Само што цените се повисоки, девојките послободни. Не кријат дека за еден час со неа, со сите марифети, треба да се набројат 100-150 евра. И се разбира, плус вечера, журка во град...
Н. Да не беше табу, сите ќе се сексаа за пари
"Барам пари и од дома, ама само за да не се прашаат моите зошто не им барам пари. Доволно заработувам. Слушај, не сакам да ме направите ороспија. Јас не сум тоа. Избирам со кого ќе се сексам. Убава сум и сакам само со убави и културни момци. Сум била со повеќе мажи и на ниту еден не сум му рекла ќе ми платиш толку или цената е таа. Тие сами даваат, сами ми направија ценовник. Како да се издоговориле меѓу себе колку ќе плаќаат. Не го правам тоа само заради парите. Секогаш со тоа иде одлична журка. Па што. Види, ако оваа работа не беше табу, сите ќе се сексаа за пари. Која девојка не сака неделно да заработува и по 500-600 евра", ни раскажа една велешанка која живее на релација Студентски дом "Гоце Делчев"- Аеродром. Вели дека почнала заедно со Србинка, студентка во Скопје, која била девојка за бизнис придружба. Кога видела колку пари зема само за да ги покажува нозете и да се смешка на деловните вечери, решила таа да оди подалеку. Да спие со бизнисмените за добри пари.
Н. Ако му е голем не му земам пари
"Ми беше страв да не закачам некоја болештина, а таа прво што ми рече беше да не влегувам ако не носам кондоми и ако не сум тазе бањат. Ми беше страв и поради тоа што ми беше првпат со девојка за пари. Си велев таа има огромно искуство, ќе се посрамотам. Другарот ми договори за среда во 21 часот. Отидов, тропнав и влегов. Таа веднаш се соблече. Авион во телото, девојченце во лицето. Да не ти се поверува дека се рента за пари, па уште и перверзна. Почна да ме соблекува. Кога ме соблече ги ококори очите. Само рече: 'Браво, машала'. Имав два часа. Пробав се што може да се проба. Таа ја водеше играта. Таков ќеф ни една ми нема направено. Иако другар ми ми рече да не зборувам за пари, туку само да и оставам 100 евра, јас се збунив и прашав колку сум должен. Се насмевна и само рече: 'Ако му е голем на муштеријата не му земам пари, а ти ги шиеш сите досега", ни раскажа еден студент во Студентскиот дом "Гоце Делчев". Кога влегувале во нејзината соба во Домот, таа на вратата закачила црвена панделка, знак никој да не тропа. Кога си заминал нашиот соговорник, таа ја симнала панделката и му рекла побрзо да си оди оти чекала некој скопски парајлија, кој на портирницата од Студентскиот ќе се пријавел како нејзин вујко.
Студентите кои добро ги знаат овие девојки, велат дека веќе никоја од нив не мора да става никакви панделки или други знаци на вратите од нивните соби, оти во очите им се познавало која работи за пари.
Секс, убави мажи и кондоми
"Ем задоволство, ем пари за да можеш да излегуваш или да си купиш добра гардероба", рече една анонимна студентка на втора година на охридскиот Факултет за угостителство која ја анкетиравме дали би земала пари за секс. Неврзано започнавме разговор за секс, дали има студентки на Факултетот кои се сексаат за пари, или се користат за придружба.
"Има такви работи. Не е многу масовно, ама има доста кои земаат спонзорства, изигруваат придружба на бизнисмени и слично. Економската ситуација, немаштијата си го направија своето. Многу пари требаат за студирање. Ај ќе ти дадат од дома, за кирија, за некој трошок, ама за да излегуваш секој ден и да носиш гардероба по последна мода треба 'камен'", вели нашата соговорничка. Нејзините биле средно имашни, но од желба да се биде нонстоп во центарот на вниманието, на сите главни журки и во охридската и струшката шема, почнала со најстариот занает на светот.
"Ме внесе една постара студентка од Велес. Ме носеше на студентски забави, излегувавме секој ден по кафулиња и дискотеки. Почнаа да ми недостигаат пари. Од дома не смеев да побарам, бидејќи следувањето за месецот беше потрошено за пет дена.Бевме во едно диско. Велешанката ме запозна со еден дечко. Беше убав со добра гардероба. Ме честеше едно чудо пијачки. Пиев за прв пат "малибу". Се опијанив. Се понуди да ме отпрати до станот. И бидна работата, имавме секс. Пред да си оди ми остави две илајди денари како благодарност што добро сум го задоволила. Прво ми беше незгодно, но ги остави парите и си замина. Од тогаш почнав да одам со мажи за пари, не секогаш, ако е убав и ми се допаѓа не барам пари", раскажува студентката, атрактивна 21- годишна русокоса.
Тарифата за студентски орален секс е 700 денари, а за еден час секс е од две илајди денари па до 100 евра, зависи кој е клиентот. Најчесто се оди по станови, коли, а и хотели. Најскапо се плаќа за придружба. Бизнисмени и млади момци кои сакале да бидат главни и видени во Охрид и Струга со убави девојки , изнајмувале убави студентки за придружба. " Најубаво поминуваат атрактивните девојки, 'авиони', капка се. Тие не мора да имаат секс за да земат пари. Доволно е цел ден да бидат во придружба и само да се смеат, и 100 евра. Со една придружба го вади месечниот џепарлак", вели нашата соговорничка. Таа додава дека сиромаштијата е причина за проституирањето за пари. "Ако дознаат од дома тешко мене, во мојот град важам за нормална, воспитана девојка со патријархални размислувања", додава таа.
"А што сте се запнале да пишувате за студентскиот секс. Оставете народ да ужива.Толку ли е тоа интересно. Ако сакате пробајте, нема да згрешите. За вас гратис ", се пошегува студентката, додавајќи: "Моја парола е користи презерватив, избирај ги момците за секс, учи и шетај по кафеани и за тоа ако земеш некој денар, поубаво нема".
prevzemeno od "vest" 31.12.2004 god |