| AaaAa |
недела, 27. март 2005.
На концертот на Симон ќе гостува Тоше
[img]http://mmm.com.mk/Sliki/simont3.jpg[/img]
Организаторите на Деновите на македонска музика и новиот селектор Сони Петровски ја објавија комплетната програма за 29-тото издание на манифестацијата, јавува А1. Оваа среда (30. март) во Универзална, фестивалот го отвара концертот на Симон Трпчески, кој ќе настапи заедно со Македонската филхармонија. Тој ќе го исполни новото дело од Димитрије Бужаровски, во кое вокалниот дел го изведуваат пејачите Ана и Игор Дурловски, Весна Гиновска и Тоше Проески.
Трпчески пред неколку дена се врати од Англија и од САД, каде имал успешни настапи. Концертот во Универзална ќе го посвети на композиторот Томислав Зографски и ќе ја одбележи 10-годишнината од неговиот концерт со оркестар.
Од 2001. до денеска јас веќе концертирам по светот и дури во 2005. Сојузот на композитори на Македонија се сети да ме покани официјално да настапам за оваа манифестација, изјави Симон Трпчески.
На Деновите на македонска музика до 8. април ќе настапат 40 солисти, 4 странски и 17 домашни ансамбли, со дела од сите музички жанрови. Покрај официјалната, најавена е и офф програма, а ќе се одржи и етномузиколошка конференција и трибина.
За затварањето на фестивалот, Танец заедно со актерите Шенка Колозова и Ванчо Петрушевски ќе ја изведат претставата За здравје и бериќет.
Всушност станува збор за една етстетска елаборација на борбата на силите на доброто и злото видени во фолклорот на македонскиот народ, рече режисерот Сашо Миленкоски.
Деновите на македонска музика ќе ги отвори претседателот Бранко Црвенковски.
-----------------
Makedonska Muzicka Mreza-www.mmm.com.mk |